#Feria, #Solidaridad, #Asociación | 09:00h-14:00h | Sábado | 29/08/2015 | Praza de Galicia |

FESTA DO VOLUNTARIADO

CONTAMOS CONTIGO!

As entidades darán a coñecer os seus proxectos na Praza de Galicia e invitarán á xente a colaborar con eles facéndose voluntarios

Será un encontro festivo no que haberá obradoiros para nenos, grupo de gaitas, exposicións fotográficas e exhibicións caninas e de salvamento


Vilagarcía de Arousa, 28 de agosto de 2015.- O 31 de agosto de cada ano celébrase en todo o mundo o Día Internacional do Voluntariado. O Concello de Vilagarcía leva máis dunha década conmemorando esta data coa Festa do Voluntariado, un evento co que se pretende dar protagonismo as organizacións sociais e aos seus voluntarios. A Festa celebrarase mañá, sábado 29 de agosto, na Praza de Galicia, de 10:30 a 14:30 horas e contará coa participación de 21 entidades que amosarán ao público o traballo que realizan e invitarán á xente a colaborar facéndose voluntarios. Tamén haberá un amplo programa de actividades lúdicas para todos os públicos.

As entidades que participan no evento de mañá son:

Cruz Vermella
Cáritas Interparroquial de Arousa
Agareso (Asociación galega de Reporteiros Solidarios)
Solidariedade Galega co Pobo Saharaui
Fundación Amigos de Galicia
Arousa Solidaria
Apropark (Asociación Parkinson da Provincia de Pontevedra)
AGL (Asociación Galega de Linfedema)
Agrupación de Voluntarios de Protección Civil Vilagarcía
Apap (Asociación Potectora de Animais e Prantas)
Con Eles (Asociación Diminuídos Psíquicos)
Lar Pro Saúde Mental
Afasal (Asoc. Familiares de enfermos/as de Alzheimer)
Proxecto Home
FGCN (Fundación Galega Contra o Narcotráfico)
LRG (Liga Reumatolóxica Galega)
AECC (Asociación Española Contra o Cancro)
Callejeritos Colonias sin Hogar
AREVA (Alcohólicos/as Rehabilitados/as)
Solidariedade Internacional de Galicia
Alcer-Pontevedra (Asoc. De loita Contra as Enfermidades de Ril)

Programa

A Festa do Voluntariado inaúrase ás 10:30 horas coa presenza das concelleiras de Xuventude e Voluntariado, Sonia Outón, e de Benestar Social, Tania García. Amenizará o acto o grupo de gaitas de Lar Pro Saúde Mental.

Ás 11:00 horas comezarán a desenvolverse os obradoiros infantís de reciclaxe de materiais de refugallo que impartirá Cruz Vermella.

Tamén ás 11: comezará a exhibición e concurso canino organizado pola Protectora de Animais

Ás 12:30 Protección Civil realizará simulacros de rescate e salvamento.

Durante toda a mañá poderanse visitar os stands de cada entidade así como as exposición fotográficas de de Agaresco (Reporteiros Solidarios) e da Asociación Solidariedade Galega co Pobo Saharaui.
 
Top