Agenda diaria: Elige fecha para ver los eventos de en Vilagarcía de Arousa.

📣 PRAZA NA ESCOLA MUNICIPAL DE MÚSICA -3jun'16

Os interesados dispoñen ata o 3 de xuño para presentar a solicitude nas oficinas do edificio do Ramal 

ÚLTIMOS DÍAS PARA SOLICITAR PRAZA NA ESCOLA MUNICIPAL DE MÚSICA BERNARDO DEL RÍO

A maior oferta concéntrase no grupo de Música e Movemento para nenos e nenas de 3 anos 

Vilagarcía de Arousa, 30 de maio de 2016.- Os nenos e nenas que desexen recibir ensinanzas musicais na Escola Municipal Bernardo del Río o vindeiro curso dispoñen de prazo ata o venres 3 de xuño para solicitalo. O centro oferta prazas en todos os noveis e especialidades aínda que a maior oferta concéntrase no grupo de Música e Movemento para nenos e nenas de 3 anos.

O prazo de inscrición para aqueles alumnos de nova admisión remata este venres. Os interesados deberán presentar a solicitude de praza cubrindo o formulario que se pode obter na web do centro de ensino musical e entregalo nas dependencias do centro do Ramal. O prazo remata o 3 de xuño e a lista de admitidos publicarase o día 23 dese mesmo mes e a matrícula terá que formalizarse os días 27 e 28 de xuño.

O formulario de reserva de praza pódese recoller nas oficinas da escola de Música ou imprimir dende o taboleiro de anuncios da web www.emmusicavilagarcia.com. Tamén se recibirán inscricións a través do correo electrónico escolamusica@vilagarcia.es, para o cal os solicitantes deberán indicar o nome e apelidos no alumnos ou alumna, data de nacemento, teléfono de contacto e no caso dos alumnos ou alumnas nados no ano 2008 e anteriores, o instrumento ara o cal solicitan praza. Poden acceder ao centro de ensino musical os nenos e nenas nados a partir de 3 anos. Os máis cativos non precisan sinalar instrumento xa que entrarían no módulo introdutorio de Música e Movemento.

Para presentar a reserva de praza, os interesados deben dirixirse as dependencias da Escola de Música de luns a venres en horario de 10 a 13 horas e polas tardes os martes de 18:30 a 19:20; os xoves de 20 a 21 horas e os venres de 18 a 19 horas.

Publicar un comentario

[blogger]

MKRdezign

Formulario de contacto

Nombre

Correo electrónico *

Mensaje *

Con la tecnología de Blogger.
Javascript DisablePlease Enable Javascript To See All Widget