💬 Historias dos Ballotes 2jun'17

9h en Bamio, Vilagarcía. Entrada libre. viernes 2 junio 2017 

Historias dos Ballotes. Obradoiro con Bea Comendador 

O próximo venres 2 de xuño, temos unha cita contigo no conxunto dos petróglifos do Sagueiral (Bamio), para coñecer as historias dos Ballotes da man da arqueóloga Bea Comendador. Este obradoiro está organizado pola Asociación TDAH Salnés e o Grupo de Estudos de Arqueoloxía Antigüidade e Territorio (GEAAT) da Universidade de Vigo.

Será unha grande ocasión para coñecelos, porque unha equipa que traballa estes días na estación rupestre, está deixando os penedos nas mellores condicións para seren vistos coa luz do solpor e luz artificial de noite.

Tamén haberá sorpresas e apareceran por alí algúns dos personaxes mais ilustres e famosos desta marxe da ría de Arousa para contar as súas historias.
Esta actividade está preparada para os nenos e nenas que queiran acudir, tamén acompañados, sempre que se apunten no correo electrónico da Asociación TDAH, ou con Mela na Axencia de Lectura de Bamio. A actividade é de balde.
Non perdas a ocasión de coñecer as Historias dos Ballotes. Agardámosvos ás 9:00 alí!!