A composición da imaxe no cinema

Obradoiro impartido por David Hernández

  • Do 1 ao 3 de agosto de 2017, de 19h a 21h no Salón García.
  • Socios de balde. Non socios 5€. Inscripcións en info@cineclubeadega.com
Como novidade na Semana de Cine este ano organizamos o obradoiro «A composición da imaxe no cinema. Como compoñer o plano cinematográfico?», que será impartido por David Hernández.

David Hernández, realizador e director de fotografía de prolongada experiencia, ten transitado por diferentes medios e cargos, dende a fotografía á televisión, dende a publicidade ao cinema, que compaxina coa súa vocación docente. Guionista e director de varias curtas de ficción e documentais, actualmente está en fase de producción da súa primeira longa de ficción.

Neste obradoiro plantéxase a necesidade de coñecer os mecanismos para realizar unha eficaz composición da imaxe cinematográfica. O aluno coñecerá, a través de innumerables exemplos extraídos de pezas cinematográficas, como organizar, executar e avaliar o plano para conquistar os seus obxectivos narrativos e estéticos.

 
Top